MENU

Nga The Washington Post

Një tradhti për miqtë, një dhuratë për armiqtë

08.10.2019 - 17:14

Një nga ‘arritjet’ e presidentit amerikan Donald Trump në politikën e jashtme shkatërrimtare të presidentit ka qenë beteja kundër Shtetit Islamik.

Trump trashëgoi nga Presidenti Barack Obama një strategji të arsyeshme e cila varej nga shtimi i Forcave Demokratike Siriane (kryesisht luftëtarët kurdë) dhe sulmet nga ajri.  Rezultati ishte shkatërrimi i kalifatit të Shtetit Islamik dhe krijimi i një zone të mbështetur nga SHBA në Lindjen e Sirisë që pengoi Bashar al-Asadin të zgjaste sundimin e tij në të gjithë vendin me ndihmën e aleatëve të tij iranianë dhe rusë.

Në dhjetor, Trump, pas një telefonate me presidentin turk Rexhep Tajip Erdogan, njoftoi tërheqjen e të gjitha forcave amerikane nga Siria, duke bërë që Sekretari i atëhershëm i Mbrojtjes Jim Mattis dhe Brett McGurk, të largoheshin. John Bolton, këshilltari i sigurisë kombëtare në atë kohë, përfundimisht e bindi presidentin që thjesht të zvogëlojë numrin e trupave amerikane në Siri nga 2,000 në më pak se 1.000.

Në gusht, gjeneralët inspektorë për departamentet e Shtetit dhe të Mbrojtjes raportuan se Shteti Islamik ka ende 14,000 deri 18,000 luftëtarë në Siri dhe Irak dhe po përgatit operacionet kryengritëse në të dy vendet.

Të dielën, pas një bisede tjetër me Erdoganin, Trump njoftoi  se ai po tërheq forcat amerikane nga Siria veriore dhe do të lejojë që trupat turke të hynin brenda.

Turqit dëshirojnë të krijojnë zona në të cilën ata mund të rivendosin refugjatët sirianë, dhe gjithashtu të luftojnë përsëri luftëtarët kurdë, të cilët vlerësohen nga Ankaraja si një kërcënim. Kurdët ka të ngjarë të kërkojnë ndihmë nga Asadi dhe Irani, duke i lejuar armiqtë e Shteteve të Bashkuara të përfitojnë nga situata.

Fati i të arrestuarve të Shtetit Islamik mbetet i pasigurt.

Tani Turqia do të jetë përgjegjëse për të gjithë luftëtarët e ISIS në zonën.

Duke pasur parasysh mungesën e besnikërisë së tij për këdo, Trump nuk do të shqetësohet nga tradhëtia e aleatëve tanë kurdë që sakrifikuan për të mposhtur Shtetin Islamik. Por dëmet e politikës së jashtme amerikane do të jetë i pallogaritshëm.

Trump po shpërblen një diktator, Erdoganin, dhe po ndëshkon aleatë të vlefshëm.

Siç tha Charles Maurice de Talleyrand, “Kjo është më keq sesa një krim. Është një gabim.” Trump bën më pak dëme kur ai shpërndan fyerje pa mend kundër Adam Schiff dhe Nancy Pelosi.