Ministri i Brendshëm, Sandër Lleshaj, ka reaguar menjëherë pas deklaratës së kryedemokratit Lulzim Basha, i cili tha se ky vit ka qenë viti rekord i kultivimit të kanabisit.
Përmes një mesazhi në “Twitter”, ministri Lleshaj shkruan se ky individ, që ka në biografinë e tij edhe Lazaratin, nuk meriton asnjë keqardhje.
Ministri thekson se ky vit ka konfirmuar çrrënjosjen e kanabisit dhe, sipas tij, kthim mbrapa nuk ka më.
“Nga gropa ku zhytet thellë e më thellë dhe bërtet fort e më fort, Lulzim Basha paska “zbuluar” se ky paska qenë vit rekord i kultivimit të kanabisit!
Ky individ, që në biografinë e tij ka edhe Lazaratin, nuk meriton asnjë keqardhje, por keqardhja për ata që ende e ndjekin pas, rritet dita-ditës. Ky vit ka konfirmuar çrrënjosjen e kanabisit dhe kthim mbrapa nuk ka më!”, shkruan Lleshaj.
