Solidarizimit me Shqipërinë mbrëmë iu bashkua edhe klubi i Malagës në Spanjë, ku luajnë dy futbollistët e Kombëtares, Keidi Bare dhe Armando Sadiku.
Malaga zbriti në fushën e lojës me fanella kushtuar Shqipërisë, gjë që ka emocionuar shumë tifozët shqiptarë në këto ditë të vështira. Ndaj Keidi Bare, nëpërmjet rrjeteve sociale ka dashur që të falënderojë klubin:
“Falënderimi për gjestin fisnik i takon klubit të Malaga dhe sigurisht shokëve të skuadrës që na mbështetën në këto ditë të vështira për Shqipërinë.
Zoti ju dhëntë forcën për të përballuar këtë tragjedi shqiptarët e mi. Bashkë jemi më të forte. Dua të falënderoj të gjithë shokët e skuadrës për mbështetjen ndaj vendit tim në këto momente të vështira. Shqipëria sot është më shumë tifoze e Malagas”.
VAZHDO TË LEXOSH MË TEPËR PËR TEMËN
“Paratë e gjobave, për të prekurit nga tërmeti në Shqipëri”
“Zemra më djeg, kur të shoh në zi…”
