Tema e ditë mbetet mosardhja e Taulant Xhakës. Ai u la jashtë listës nga trajneri Edy Reja për ndeshjen e muajit të shkuar, ndërsa këtë radhë u grumbullua për takimet ndaj Andorrës dhe Francës.
Kjo zgjedhje për t’u lënë jashtë duket se nuk i ka pëlqyer aspak mesfushorit, i cili ka refuzuar të bashkohet me ekipin Kombëtar dhe ka shtuar se është i dëmtuar.
Në fakt, futbollistët janë bashkuar me Kombëtaren në të shkuarën dhe në rast dëmtimesh janë larguar më pas teksa Xhaka ka zgjedhur që të mos bashkohet fare me ekipin kombëtar.
Ky refuzim, i ka hapur derën një tjetër futbollisti që të bashkohet me Kombëtaren dhe bëhet fjalë për Ergys Kaçen. Mesfushori po aktivizohet rregullisht me skuadrën e AEL Larisës në kampionatin grek duke u kthyer në protagonist me asiste dhe lojën e tij.
Ai ishte pjesë e listës shtesë dhe pritet që të bashkohet sot me ekipin kombëtar për të zënë vendin e Taulant Xhakës, me këtë të fundit që me shumë gjasa nuk do të grumbullohet më.
VAZHDO TË LEXOSH MË TEPËR PËR TEMËN
Taulant Xhaka kthehet në telenovelë për Kombëtaren
