MENU
klinika

Bisedimet për anëtarësim

“Gjermania po lufton për Shqipërinë dhe Maqedoninë e Veriut”

13.11.2019 - 10:00

Ministri i Jashtëm gjerman Heiko Maas ka deklaruar se Gjermania po luftën që bisedimet për Shqipërinë dhe Maqedoninë e Veriut të fillojnë sa më shpejt.

Në një intervistë për Deutsche Welle diplomati gjerman thotë se vendet e Ballkanit Perëndimor janë pjesë integrale e Europës dhe e ardhmja e tyre është në Bashkimin Europian.

“Për Gjermaninë është e qartë: Vendet e Ballkanit Perëndimor janë pjesë integrale e Europës dhe e ardhmja e tyre është në Bashkimin Europian. Një pjesë e konsiderueshme e vendeve të BE, e mbështesin fillimin e bisedimeve të pranimit me Shqipërinë dhe Maqedoninë e Veriut, sepse kjo është edhe në interesin tonë strategjik.

Por për këtë çështje na duhet unanimiteti brenda BE-së, dhe për të arritur këtë jemi duke punuar. Gjermania është duke luftuar me të gjitha forcat, për të arritur një qëndrim të përbashkët në BE, që bisedimet e pranimit me Shqipërinë dhe Maqedoninë e Veriut të fillojnë shpejt. Unë dua edhe një herë ta bëj këtë gjë të qartë në Shkup.”

Për të bindur skeptikët, Maas thotë se Shqipëria dhe Maqedonia e Veriut duhet të vazhdojnë pa ndalur procesin e reformave, në mënyrë që të arrijnë suksese të tjera.

“Unë dua t’u jap zemër Maqedonisë së Veriut dhe Shqipërisë, si edhe vendeve të tjera të rajonit që të vazhdojnë me konseguencë kursin reformues edhe për një arsye tjetër: Reformat nuk shërbejnë vetëm për afrimin me BE, ato janë të rëndësishme sepse janë në dobi të njerëzve.

Forcimi i shtetit të së drejtës, luftimi me vendosmëri i korrupsionit dhe kriminalitetit të organizuar janë detyrat kryesore të çdo qeverie, që do të ardhmen e vendit të vet. Edhe opozita mban përgjegjësi. Konkurrenca politike dhe idetë konkurruese, që janë të zakonshme dhe të domosdoshme në demokraci nuk duhet ta paralizojnë zhvillimin e vendit.”

Maas kërkon ngritjen sa më parë të Gjykatës Kushtetuese.

“E rëndësishme është që tani të gjithë të kontribuojnë që Gjykata Kushtetuese të fillojë pa u vonuar punën. Edhe reformimi i ligjit të zgjedhjeve do të diskutohet me të gjitha forcat politike dhe shoqërinë civile.

Ne jemi të sigurt, se për reformat që kanë të bëjnë me rekomandimet e OSBE/ODIHR mund arrihet marrëveshje pa humbur kohë. Parlamenti është vendi ku zhvillohen konfrontimet politike. Tani duhen propozime konstruktive dhe bashkëpunime serioze në interes të Shqipërisë dhe qytetarëve të saj.”

VIDEO/ Gjuhën e nënës nuk e venit asgjë dhe asnjë

“Dallëndyshe e vogël” këndohet në televizionin publik grek

Condoleezza Rice: Disa nga kundërshtarët tanë, sidomos Rusia...

Ish Sekretarja Amerikane e Shtetit: Ju rrëfej “Katër Kalorësit e Apokalipsit”

Policia e Shtetit: U hiqet patenta 34 shoferëve

Akset nacionale vëzhgohen me radar, “lumë” gjobash dhe arrestime

Nga Denis Dyrnjaja

Dashnorët e Partive

100 ditë pa asnjë person të infektuar

Njihuni me vendin më të sigurt në botë nga koronavirusi