MENU
klinika

Nëndrejtor i përgjithshëm i SHÇBA-së

Kalon ‘sitën’ e Vettingu-t, konfirmohet në detyrë Adriatik Ago

13.11.2019 - 10:21

Vettingu konfirmon në detyrë nëndrejtorin e përgjithshëm të SHÇBA, Adriatik Ago.

Numri dy i SHÇBA u përball të premten në seancë dëgjimore me Komisionin e Jashtëm të Vlerësimit.

Trupa e vlerësimit përbëhej nga Elvira Daberdaku kryesuese, Ana Kapaj relatore dhe Elida Liko anëtare.

Por vettingu nuk gjeti probleme për Agon, pasi rezultoi pa probleme në të tre kriteret.

Sipas relatores së çështjes, Ana Kapaj, subjekti i vlerësimit ka një eksperiencë të gjatë në Policinë e Shtetit dhe se i kishte përfituar gradat në përputhje me ligjet përkatëse.

Gjithashtu Komisioni nuk identifikoi ndonjë problem lidhur me deklarimin e pasurisë të kryer nga Ago.

Adriatik Ago u vlerësua pozitivisht edhe për pastërtinë e figurës dhe aftësitë profesionale.