Në kuadër të vlerësimeve për sportistët shqiptarë, Presidenti i vendit Ilir Meta sot ka dekoruar atleten Luiza Gega, rekordmenen e shumë garave në Shqipëri.
“Sot pata kënaqësinë të vlerësoj me Titullin ‘Mjeshtër i Madh’, një nga sportistet më të shquara në të gjithë historinë e Atletikës shqiptare, Luiza Gega.
Një sportiste e përmasave botërore si Luiza, është nder dhe krenari për të gjithë ne! Atletika, shumë e rëndësishme për të gjitha sportet e tjera!” – shkruan Ilir Meta.
Ndërkohë, Komiteti Ekzekutiv i KOKSH, në një takim të përbashkët me Komitetin Drejtues të Federatës Shqiptare të Atletikës, vendosi që sportistes Luiza Gega t’i dyfishohet shuma e mbështetjes financiare, nga 900 dollarë, në 1800 dollarë.
Ky vendim u mor në kuadër të projekt-mbështetjes së sportistes elitare Luiza Gega për përgatitjen dhe pjesëmarrjen në Lojërat Olimpike “Tokyo 2020”.
VAZHDO TË LEXOSH MË TEPËR PËR TEMËN
Foto botërore, atleti shqiptar pret finishin me akrobaci
