06.11.2019 - 13:49
Presidenti i Serbisë Aleksandar Vučić njoftoi një ditë më parë se ka komunikuar me kryeministrin shqiptar Edi Rama dhe kryeministrin e Maqedonisë së Veriut Zoran Zaev për të biseduar për përgatitjet e takimit të dytë të nivelit të lartë për çështjen e integrimit rajonal.
“Europeanwesternbalkans” shkruan se takimi i radhës do të jetë në Ohër me 9 nëntor ku do të diskutohet për propozimin e “mini-shengenit” ballkanik.
Iniciativa synon të krijojë një zonë të tregtisë dhe lëvizjes së lirë nga tre vendet brenda vitit 2021 dhe qeveri të tjera të vendeve të Ballkanit Perëndimor kanë shprehur interes që të bëhen pjesë.
Takimi i parë për këtë çështje u mbajt në tetor në Novi Sad.
