16.11.2019 - 15:44
Fshati ka ‘zbritur’ në Sheshin Skënderbej për dy ditët e fundjavës, ku afro 400 fermerë dhe agrobiznese ekspozojnë produktet e tyre të larmishme “Made in Albania”.
Që në çelje të panairit “Shqipëria Punon Tokën” interesi i qytetarëve për të vizituar tendat ka qenë i lartë.
Ndërsa panairi është vizituar edhe nga kryeministri Edi Rama, Ministri i Bujqësisë, Bledi Çuçi dhe Kreu i Bashkisë, Erion Veliaj.
Tashmë një traditë, ky është edicioni i tretë i panairit “Shqipëria Punon Tokën, i cili mirëpret qytetarët për tu njohur dhe shijuar produktet e larmishme shqiptare, ndërsa është konceptuar si një event i madh, ku nuk do të mungojë argëtimi dhe festa.