MENU
klinika

Çfarë ka ndodhur?

Shmangni Llogaranë! Bllokohet rruga, aksi i pakalueshëm

12.11.2019 - 13:06

Moti i keq ka paralizuar qarkullimin e mjeteve në rrugën e Llogarasë. Si pasojë e erës së fortë janë rrëzuar shtylla të tensionit të lartë si dhe disa pemë.

Ndërkohë, prefekti i Qarkut vjen me një apel për drejtuesit e mjetit, ku u kërkon që të evitojnë qarkullimin në këtë aks si dhe të kontaktojnë policinë për çdo problematikë të mundshme.

Në të dy krahët e Llogorasë ka prani të forcave policore, të cilat kanë bllokuar rrugën për drejtuesit e mjeteve.

kolana e librave

Njoftimi i policisë

“Për shkak të stuhisë me shi dhe erë të fortë në Vlorë, ju bëjmë me dije se aksi rrugorë në Llogora është i pakalueshëm. Shërbimet e Policisë Rrugore janë prezent dhe në gatishmëri të plotë për t’u ardhur në ndihmë drejtuesve të mjeteve në rast nevoje. Lutemi që drejtuesit e mjeteve ta shmangin këtë aks nga të dy krahët, derisa të qetësohet situata dhe të bëhet pastrimi i rrugës nga pemët e thyera.
#FaleminderitPërMirëkuptimin! #PoliciaRrugoreNëGatishmëri.”

Ndërkohë, moti i keq dhe erërat e forta kanë bërë që autoriteti portual në Vlorë të pezullojnë lundrimin e mjeteve, trageteve dhe anijeve të peshkimit.

Probleme janë krijuar dhe në zonën e Zvërnecit si dhe në Pyllin e Sodës.