Jo pak herë na ka ndodhur të kemi provuar një ushqim të nxehtë nga padurimi dhe pasojat i kemi ndjerë menjëherë në gjuhë. Për shkak të nxehtësisë shpesh na duhen orë të tëra, madje edhe ditë që të rikuperojnë shqisën e të shijuarit.
Por çfarë duhet të bëni pasi ju ka ndodhur diçka e tillë? (ne urojmë që të mos ju ndodhin)
Ushqimet e kripura, mund të irritojnë gjuhën tuaj, kështu që ju duhet t’i shmangni sa më shumë që të jetë e mundur. Produktet e mëposhtme mund të ndihmojnë në zvogëlimin e ënjtjes së gjuhës dhe të lehtësojnë dhimbjet.
Mjafton të lyeni gjuhën apo të mbani në gojë pak nga ushqimet e mëposhtme dhe për pak orë ju do të ndiheni më mirë.
1. Sheqer
2. Kubat e akullit
3. Kos
4. Mjaltë
Derisa gjuha të shërohet plotësisht, është më mirë të qëndroni larg nga çdo gjë acide, duke përfshirë domatet, lëngje frutash, fruta agrume dhe uthull.
