MENU
klinika

Pas këngës hit me Dhurata Dorën

Soolking po sjell bashkëpunimin e ri me një tjetër shqiptar!

07.11.2019 - 11:24

Gjashtë muaj më parë, reperi algjerian Soolking dhe këngëtarja shqiptare Dhurata Dora sollën bashkëpunimin e famshëm “Zemër”.

Kënga rezultoi super e suksesshme dhe ka arritur plot 326 milionë klikime në Youtube.

Pas këtij suksesi të madh, reperi ka vendosur të mos i ndahet shqiptarëve dhe të sjellë një tjetër projekt me një shqiptar.

Në llogarinë e tij në Instagram, Soolking na ka prezantuar me projektin e ri, i cili do të vijë në bashkëpunim me producentin Rzon.

Rzon ka realizuar hitet e reperëve të famshëm si Capital T, Majk, Ghetto Geasy etj. dhe me siguri bashkëpunimi me Soolking do të jetë gjithashtu një sukses.