Kur mbetet edhe një javë për të përuruar stadiumin e ri “Arena Kombëtare”, pak gjëra kanë mbetur për t’u vënë në vend. Më shumë mbeten për t’u rregulluar sheshet para dhe rrugët lidhëse, pasi brenda thuajse gjithcka është gati.
Dyert e stadiumit më të ri janë hapur në mbrëmjen e sotme, teksa “Arena Kombëtare” pati provnë e fundit para ndeshjes kualifikuese të Shqipërisë, atë të datës 17 nëntor ndaj Francës.
Në impiantin e ri u luajt ndeshja e futbollit të femrave mes Vllaznisë dhe Apolonisë. Takimi ka nisur me himnin e Champions League, për të provuar edhe foninë para ndeshjes së parë zyrtare.
Një provë e kaluar me sukses, ndërkohë që gjithçka duket gati për të pritur kampionët e botës dhe yjet e saj për të inauguruar stadiumin.
Sakaq, sfida nuk ka zgjuar interesin e shumë tifozëve, pasi nuk ka një prani të konsiderueshme, megjithatë prania e tyre ka shërbyer gjithashtu për të vënë në provë dhe për të parë funksionimin e sistemit të kontrollit të biletave.
Çdo gjë po shkon sipas parashikimeve, dhe stadiumi është gati të marrë aprovimin e UEFA-s. Ndërkohë, testin e ka kaluar edhe prova me dritat, madje duke krijuar një spektakël me to.
VAZHDO TË LEXOSH MË TEPËR PËR TEMËN
Duka mbyll “gojët e liga” për përurimin e stadiumit
