MENU
klinika

Stina e mandarinave mbërriti?

Çfarë ndodh nëse hamë dy në ditë?

06.11.2019 - 12:56

Të shijshme dhe të sezonit, mandarinat në vjeshtë janë një kurë e vërtetë për shëndetin dhe bukurinë.

Janë burim i çmuar nutrientësh dhe kanë një aksion mbrojtës për organizmin. Përmbajnë antioksidantë të fuqishëm që kundërshtojnë veprimin e radikaleve të lira, përgjegjëse për plakjen e qelizave. Gjithashtu, fuqizojnë mbrojtjen e organizmit.

Një tjetër arsye e mirë për t’i integruar në regjimin ushqimor?

Mandarinat, ashtu si portokajt dhe varietetet e tjera të agrumeve, sigurojnë pektinë, një fibër e shpërbërshme që lufton ‘sulmet’ e papritura të urisë.

Pektina gjithashtu ka një veprim prebiotik. Pektina favorizon tranzitin intestinal dhe favorizon rritjen e baktereve të mira, të mrekullueshme për shëndetin dhe për të qëndruar në formë.

proteste per mandarinat-konica.al

Kujdes me sasinë! Mandarinat përmbajnë 72 kalori në 100 gramë (që korrenspondojnë me dy mandarina të vogla të qëruara) dhe janë frut i pasur me sheqer.

Furnizojnë trupin me sheqerna të thjeshta, lehtësisht të asimilueshme nga organizmi. Është ideale t’i konsumosh në mëngjes ose si vakt i ndërmjetëm mes një vakti dhe një tjetri për të mos rrezikuar të merrni shumë sheqerna dhe kalori.

  • Ja përfitimet që do të siguroni:

Do të keni më shumë energji në muajt e ftohtë

Mandarinat sigurojnë minerale aleate të funksionimit të mirë të sistemit nervor. Janë të pasura me kalium dhe magnez. Gjithashtu, sigurojnë vitamina të grupit B, mes të cilave vitaminat B1, B3, B6 dhe B9 të dobishme për të eliminuar lodhjen fizike dhe për të fituar energji.

kolana e librave

Do të dukeni më të rinj

Mandarinat kanë veti të mira anti-plakje. Janë një burim i mirë antioksidantësh. Janë të pasura me vitaminë C, e dobishme për prodhimin e kolagjenit, një proteinë nga e cila ndërkohet lëkura, kockat, tendinat, muskujt dhe thonjtë. Falë veprimit anti-plakje, pengon veprimin e dëmshëm të radikaleve të lria dhe largon stresin oksidativ, përgjegjës për plakjen e indeve.

Më pak toksina në trup

Mandarinat kanë një veprim të mirë detox. Ato sigurojnë shumë fibra, të dobishme për eliminimin e toksinave e të mbetjeve që lodhin organizmin dhe e predispozojnë ndaj shqetësimeve të ndryshme.

Rezultate më të mira sportive

Mandarinat furnizojnë trupin me sheqerna që i japin energji të menjëhershme organizmit. Ato sigurojnë një varietet të gjerë mineralesh mes të cilave kaliumi dhe magnezi, të dobishme për të luftuar ngërçet muskulore, të çmuara për shëndetin e kockave dhe kyçeve.

-Mund t’i lini në shtëpi fasoletat

Falë prezencës së vitaminës C, mandarinat forcojnë mbrojtjen imunitar dhe luftojnë ftohjen, dhimbjet e fytit dhe shqetësimet e tjera të stinës.