Maqedonia e Veriut ka luajtur sot ndeshjet sipas kalendarit, por në të gjitha takimet është mbajtur 1 minutë heshtje në nderim të personave që humbën jetën nga tërmeti i djeshëm në vendin tonë.
Nuk ka munguar mbështetja nga tifogrupi i Ballistëve të Tetovës dhe nga Shvercerat e Shkupit. Këta të fundit madje kanë deklaruar se të ardhurat e biletave nga ndeshja e sotme e kampionatit mes Shkupit dhe Akademija Pandev, do të dërgohen në Shqipëri.
Por nuk kanë munguar as mesazhet në stadium. Shvercerat kanë hapur një banderolë në të cilën shkruhet: “Jemi një gjak, e mish e asht”.
Ndërkohë, po një mesazh mbështetës ka ardhur edhe nga Ballistët e Tetovës, të cilët gjithashtu kanë hapur një banderolë shumë domethënëse: “Zemra më djeg, kur të shoh në zi! Bëhu e fortë nëna Shqipëri!”.
VAZHDO TË LEXOSH MË TEPËR PËR TEMËN
1 minutë heshtje në Maqedoni, “Shvercerat” përkrah Shqipërisë
“PIisat” mbledhin ndihma për të prekurit nga tërmeti
