Udhëheqësit evropianë festuan sot 10-vjetorin e Traktatit të Lisbonës, një ndër aktet themeltare të Bashkimit Evropian.
Dhjetë vite pasi hyri në fuqi Traktati i Lisbonës, unioni i konceptuar për të krijuar bashkimin nga rrënojat e Luftës së Dytë Botërore, e gjen veten të rrezikuar nga përçarjet.
Gjermania dhe Franca, të cilat kanë shërbyer si aksi kryesor i BE-së, organizuan javën e kaluar “Konferencën për të Ardhmen e Evropës” për të planifikuar një Bashkim Evropian “më të bashkuar dhe më sovran”.
Traktati i Lisbonës e thjeshtëzoi vendimmarrjen brenda unionit që aktualisht ka 28 vende anëtare.
Dokumenti përmbledh traktatet paraardhëse, që nga viti 1957, nga Traktati i Romës deri në atë të Nicës me 2001, në një tekst të vetëm duke i modifikuar ato.
Traktati synonte përforcimin e imazhit të BE-së me figurën e presidentit dhe të përfaqësuesit të lartë, njëkohësisht zëvendëspresidenti i komisionit për politikën e jashtme.
Parlamenti mori fuqi më të madhe legjislative duke barazuar nivelin e Këshillit.
Bashkëvendimarrja mes tyre shndërrohet në një procedurë rutinë ligjvënëse.
Për zgjerimin e Bashkimit Europian, Traktati i Lisbonës përfshiu “kriteret e Kopenhagenit” duke u lënë mundësi vendeve anëtare që të vlerësonin mbi zhvillimin demokratik të vendit që synon antarësimin.
VAZHDO TË LEXOSH MË TEPËR PËR TEMËN
‘BE po merret peng’/ Refuzimi i negociatave – pasoja të rënda politike
‘BE po humb kredibilitetin, shtyrja e negociatave “katastrofë”’
