Presidenti i Serbisë, Aleksandër Vuçiç, ka zbardhur detaje të reja nga takimi që zhvilloi sot pasdite në Tiranë me kryeministrin e vendit, Edi Ramën si dhe me kryeministrin e Maqedonisë së Veriut, Zoran Zaev.
Me një shënim në “Facebook”, i pari i Serisë thotë se në takim u ra dakord, që samiti i radhës mes vendeve të zhvillohet në Beograd, në fund të janarit 2020.
“Tirana ka arritur marrëveshje konkrete për bashkëpunimin midis Serbisë, Maqedonisë Veriore dhe Shqipërisë. Takimi tjetër do të jetë në Beograd në fund të janarit, do të jetë një takim historik për shkak të asaj që do të përfundojmë deri atëherë – me kryeministrat e Maqedonisë Veriore dhe të Shqipërisë, Zoran Zaev dhe Edi Rama”-shkruan Vuçiç.
Gjatë fjalës së tij, Vuçiç komentoi protestën e aktivistëve të Lëvizjes së Vetëvendosjes në Tiranë, të cilët e pritën me brohoritje dhe pankarta të ndryshme. Ai tha se protesta të tilla nuk e shqetësojnë, pasi i konsideroi tubimet normale në një vend demokratik, duke shtuar se kjo nuk ndikon fare në agravimin e marrëdhënieve mes tij dhe kryeministrit, Edi Rama.
“Protesta është normale në demokraci dhe nuk e shoh si problem. Më duket se këta njerëz janë kthyer në të kaluarën. Kjo nuk do të bëjë që unë të ndryshoj marrëdhënien apo që Edi Rama të ndryshojë marrëdhënien. Disa njerëz nuk e kuptojnë realitetin dhe nuk shohin as të tashmen dhe as të ardhmen-shtoi Vuçiç.
Për këtë takim ka reaguar edhe kryeministri i Maqedonisë së Veriut, Zoran Zaev. Ai ndalet kryesisht te situata e krijuar nga tërmeti i fundit që preku Shqipërinë, ndërsa shton se kur rajoni bëhet bashkë tregon vlera të larta solidariteti.
“Mbështetje e vazhdueshme për rehati nga rezultati tragjik për tu rikuperuar nga pasojat e tërmetit të goditur në Durrës, dhe vendbanimeve të tjera në Shqipëri. Në shenjë të asaj mbështetjeje, sonte me kryeministrin Rama dhe presidentin e Serbisë Aleksandar Vucic, morëm pjesë në koncertin e Operas Classic në Arianë në tiranë në shfaqjen e artistëve më të mirë të operës shqiptare. Ngjarjet tragjike sjellin humbje të pakonkurueshme, por këto janë momente kur miqësia dhe lidhja midis popujve mund të shprehet në mënyrën më të mirë të mundshme.
Koncerti i donatorëve për të zbutur pasojat e tërmetit është vetëm fillimi dhe njoftimi i bashkëpunimit të përbashkët në trajtimin e fatkeqësive natyrore që do të mbulohen nesër si një shtyllë e re për bashkëpunimin midis vendeve të Ballkanit Perëndimor.
Bashkëpunimi i sinqertë dhe i përkushtuar i ekipeve të shpëtimit të të gjitha vendeve në lagje menjëherë pas fermerëve tragjikë është një shenjë e fortë e asaj që rajoni ynë mund të bëjë kur punojmë së bashku”-shkruan ai.
VAZHDO TË LEXOSH MË TEPËR PËR TEMËN
Diplomati zbulon ideatorin e “Minishengenit Ballkanik”
Minishengeni/ Meta: Pozitive nëse prodhon rezultate më shumë se debate
Takimet me Macron, Vuçiç përfaqëson Shqipërinë
