MENU
klinika

"Zbato planin me tre pika"

Basha refuzon sërisht Ramën: S’ka kohë për foto!

02.12.2019 - 14:38

Kryetari i PD-së, Lulzim Basha nga lagja nr.7 e Durrësit i ka propozuar kryeministrit Edi Rama një plan me tre pika për të kapërcyer sa më shpejt gjendjen e jashtëzakonshme që ndodhet vendi pas tërmetit tragjik, ndërsa ka refuzuar sërish ftesën e kreut të qeverisë për t’u ulur në një tryezë.

“Gjendja është e mjerueshme, ka pasiguri, pasi njerëzit nuk e dinë nëse mund të rrinë brenda, pasi kanë rënë muret dhe banorët nuk kanë siguri. Disa thonë se u është siguruar një apo dy net strehim dhe janë nxjerrë, Po mbizotëron kaosi.

Ne mbështesim çdo masë për t’i ndihmuar dhe po bëjmë cfarë mundemi përmes vullnetarizmit. Tani është koha për veprime urgjente, konkrete dhe të mirëkoordinuara. Mbrëmë kisha një takim me specialistët më të mirë që ka Shqipëria.

kolana e librave

Kemi 500 specialistë gati për të dhënë kontributin vullnetar për gjendjen alarmante. Propozoj një plan me tre pika; organizimi i 500 inxhinierëve për të përshpejtuar procesin e vlerësimit të banesave dhe kjo qetëson mendor dhe shpirtëror. Pika e dytë vlerësimi me urgjencë dhe ndarja në dy kategori.

Askush nuk vjen ti shikojë kush. Dhe së treti të përdoren fuqitë që ka qeveria për të anuluar kontratat e 10 oligarkëve, bëhet fjalë për 150 mln dollarë dhe të destinohen për t’u ardhur në ndihmë banorëve. Gjendja tragjike e këtyre njerëzve kërkon ndihmë dhe jo poza, as teatër, por angazhim konkret.

Mbështesim cdo përpjekje të qeverisë dhe cdokujt që u vjen në ndihmë këtyre njerëzve dhe po bëjmë cdo gjë për t’i ndihmuar, tani nuk është koha për teatër. Nuk është koha tani për foto dhe për shfaqje, por për veprime urgjente të mirë koordinuara që të vlerësohet gjendja e banesave dhe strehimi.

Thirrja ime ndaj kryeministrit ta zgjerojë grupin e punës që merret me vlerësimin e banesave dhe të bëhet vlerësimi e të anulohen kontratat e 10 oligarkëve 150 mln dollarë dhe të zhvendosen të buxhet”– tha Basha.

VAZHDO TË LEXOSH MË TEPËR PËR TEMËN