Kosova ishte e para që na erdhi në ndihmë pas tërmetit të mëngjest të 26 nëntorit.
Përveç forcave civile, shumë kosovarë i kanë hapur dyert e shtëpisë për shumë shqiptarë që u janë shembur banesat.
Nisur nga kjo Ministri i Punëve të Jashtme, Gent Cakaj, i ka falenderuar Forcat e Sigurisë së Kosovës pasi meritojnë mirënjohjen më të veçantë për përkushtimin e pakrahasueshëm, humanizmin e lartë e atdhedashurinë më të thellë dhe profesionalizmin mbresëlënës.
“Mes konsideratave më të larta e falenderimeve më të mëdha për të gjitha shtetet e organizatat që qëndruan afër Shqipërisë që prej orëve të para pas tërmetit, përtej çdo mëdyshje, Forca e Sigurisë së Kosovës meriton mirënjohjen më të veçantë për përkushtimin e pakrahasueshëm, humanizmin e lartë e atdhedashurinë më të thellë dhe profesionalizmin mbresëlënës.
Shërbimi i tyre këto ditë në Shqipëri do të kujtohet gjithmonë me vlerësimin më lartë!
Në fakt, gjatë këtyre ditëve me vështirësi të shumta e me dhimbje të pafundme, e gjithë Kosova ka dhënë shembullin e një solidariteti të paparë njerëzor dhe ka dëshmuar absolutisht trajtën më të thellë të bashkëndjenjes kombëtare.
Solidariteti e mbështetja e Kosovës kësaj rradhe mbeten frymëzues përtej asaj çka mund ta shprehë rëndom gjuha”- ka shkruar Cakaj.
VAZHDO TË LEXOSH MË TEPËR PËR TEMËN
Rama: Sot mblidhet Komiteti Kombëtar i Rindërtimit, aktivizohet fondi
Meta takon përfaqësuesin e diasporës shqiptare: Presim 7 eskpertë nga SHBA
Eksperti thirrje qytetarëve: Mos flini më nëpër makina
