Nga fillimi i vitit të ardhshëm deri në 30 Gusht, të gjithë banorët do të kenë mundësi që të rivlerësojnë banesat e tyre duke i sjellë në vlerën e tregut ose duke i shitur me tatim të reduktuar të diferencës midis çmimit të blerjes dhe çmimit të shitjes.
Sipas projektligjit “Për rivlerësimin e pasurisë së paluajtshme”, përfitues do të jenë edhe ata qytetarë të cilët janë në proces legalizimi dhe regjistrimi të pasurisë, por edhe ata të cilët kanë kontrata sipërmarrje dhe jetojnë në pallate ende të pa legalizuara.
Për rregjistrimin e rivlerësimit do të paguhet një tatim prej 3% mbi bazën e tatueshme. Ky projektligj vlerësohet të ketë rreth 6 miliardë lekë efekte financiare bruto në të ardhurat e buxhetit të shtetit për vitin buxhetor 2020 dhe 4 miliardë lekë efekt neto.
Procesi i rivlerësimit do të përfshijë rreth 50 mijë banesa.Miratimi i këtij projektligji pritet që të nxisë formalizimin me vlerën e tregut të pasuriv të paluajtshme.
VAZHDO TË LEXOSH MË TEPËR PËR TEMËN
Ahmetaj-kompanive të sigurimit: Do paguani 12 mln $ dëme
Kush rregullon vetë shtëpinë shteti i financon me 2 milion
