Vazhdon të mungojë shërbimi i duhur për grumbullimin dhe tërheqjen e mbeturinave në Dibër.
Përgjatë gjithë rrugës nacionale nga qyteti i Peshkopisë dhe deri në Maqellarë është e pushtuar nga mbetje të ndryshme.
Por ajo që e bën skandaloze këtë situatë është hedhja e mbeturinave spitalore po në të njëjtin vend me mbeturinat e tjera.
Ndonëse ka një procedurë dhe fond të veçantë për asgjësimin e mbetjeve spitalore, në Dibër ato hidhen në ambjent të hapur duke u bërë një rrezik i madh për banorët.
Këta të fundit thonë se mbeturinat nuk pastrohen në zonat urbane, ndërsa rruga nacionale është totalisht e braktisur në këtë drejtim. Ata ngrejnë alarmin për mbetjet spitalore, të cilat rrezikojnë fëmijët nëse i prekin ato.
Aksi nacional Peshkopi-Maqellarë vijon të ketë problem ndotjen, ndonëse duhej të ishte një ndër zonat më të pastra të Dibrës për shkak se në të kalojnë edhe turistë apo vizitorë të ndryshëm.
VAZHDO TË LEXOSH MË TEPËR PËR TEMËN
