Ka qenë drejtuesi i një mjeti tip ‘Benz’ që e ka dërguar në spital duke thënë se fëmijën e ka parë të vetëm në rrugë të aksidentuar dhe në gjendje të rëndë. Ndërkohë eshte njoftuar edhe policia e Shkodrës per ngjarjen.

Pak minuta më vonë në spital është paraqitur dhe babai i vogëlushit, i cili ka pohuar se djali kishte rënë nga dritarja e makines.

Babai i ka thënë mjekëve se fëmija teksa po udhëtonte me makinë, i ka rënë nga mjeti dhe nuk e ka dëgjuar. Fëmija sipas babait ka hapur dritaren dhe ka rënë poshtë, aksident të cilin ai se ka vërejtur. Ndërkohë, një mjet tjetër që e ka parë të aksidentuar fëmijën e vogël, e ka dërguar në spital ndërsa vazhdon që të jete ne gjendje të rendë.

Aktualisht gjendja e fëmijës paraqitet kritike për jetën.

Policia e Shkodrës jep informacione zyrtare për aksidentin e rëndë në Shkodër ku mbeti i plagosur një fëmijë 5 vjeç. Sipas policisë, 50-vjeçari H. Kurtaj udhëtpnte me 4 fëmijët e tij kur djali i vogël 5 vjeç i ka rënë nga dritarja.

“Me datë 26.12.2019 në ora 17.25, shtetasi H. K. 50 vjec, po udhëtonte me mjetin e tij në lagje “Skenderbeg”, ku kishte 4 femijët e tij, i ka rënë aksidenatlisht nga mjeti femija, S. K. 5 vjec, i cili po trajtohet në Spitalin Rajonal Shkodër”, njofton policia.

Grupi hetimor po kryen veprimet për sqarimin e rrethanave të kësaj ngjarje. Ndërkohë fëmija ndodhet në gjendje të rëndë në spitalin e Shkodrës ku është dërguar nga kalimtarë të rastit.