Forcat izraelite vijojnë të vlerësojnë dëmet e shkaktuara nga tërmeti katastrofik i 26 nëntorit.
Ditën e sotme, ekspertët izraelitët kanë vizituar familjen e një ushtaraku me origjinë shqiptare, Besart (Bess) Dollma, por që shërben në forcat ushtarake të Izraelit.
Lajmi bëhet i ditur nga kreu i grupit parlamentar të PS, Taulant Balla, i cili shkruan në “Facebook” se shqiptari nuk kishte mundur të vinte pranë familjes së tij në këto momente të vështira, por kolegët e tij izraelitë e kanë siguruar se prindërit e tij janë mirë.
“Njësia e Forcave të Armatosura të Izraelit, e cila sëbashku ekspertë vendas dhe të huaj po kujdeset për vlerësimin e dëmeve në ndërtesa, të shkaktuara nga tërmeti i 26 Nëntorit, vizitoi edhe shtëpine e një ushtaraku me origjinë shqiptare të forcave ushtarake izraelite.
Në telefonatën që ata i bënë kolegut të tyre B.D., i cili nuk mundej t’i gjendej prane familjes ne keto momente, e siguruan se prinderit e tij ishin mire dhe në duar të sigurta.
Shokët e tij po kujdeseshin për prindërit dhe vëllezërit në Shqipëri.”– shkruan Balla./ Izraeli Sot.