10 ditë pas tërmetit nxënësit e zonave të prekura të strehuar në Shëngjin u rikthyen në bankat e shkollës. 180 nxënës do të vijojnë procesin mësimor në shkollën e Shëngjinit, ku autoritetet thonë se janë marrë të gjitha masat.
Fëmijët nga zonat e prekura nga tërmeti të strehuar në Shëngjin u rikthyen në shkollë këtë të enjte. Në sytë e tyre ka ende trishtim, ndërsa disa kanë edhe gjurmë të asaj që kanë përjetuar.
180 është numri i fëmijëve që procesin mësimor do të ndjekin pranë shkollës 9- vjeçare “At Zef Pllumi” në Shëngjin.Por në ditën e parë, jo të gjithë u paraqitën për tu ulur në banka.
Sipas udhëzimit, ata janë bashkuar me nxënësit e shkollës duke e dyfishuar numrin. Ora e parë ishte organizuar si bisedë për ti miqësuar. Ndërsa po punohet për t’i pajisur me tekste.
“Kemi pasur raste ku kemi lënë edhe prindërit.”
Masa janë marrë për tu garantuar udhëtimin. Mësuesit do ti marrin në mëngjes dhe do ti shoqërojnë drejt hoteleve pas mësimit.
Në bashkinë e Lezhës këtë të enjte nuk nisi procesi mësimor vetëm në shkollën e Shënkollit, një prej 5 objekteve mësimore të dëmtuara nga tërmeti.
28 shkolla rezultojnë të dëmtuara nga tërmeti në rang vendi.
VAZHDO TË LEXOSH MË TEPËR PËR TEMËN
