MENU
klinika

Terrorizoi turistët spanjollë

Gjykata dënon me 1 vit burg biznesmenin Mihal Kokëdhima

17.12.2019 - 18:05

Gjykata e Shkallës së Parë në Vlorë ka dënuar me 1 vit burg biznesmenin Mihal Kokëdhimën, i cili akuzohet se sulmoi disa turistë spanjollë në restorantin e tij në Porto Palermo.

Kokëdhima akuzohet për veprat penale “Shkatërrim Prone” dhe “Kanosje”.

Gjyqtarja Atalanta Zeqiraj ka pranuar kërkesën e prokurorit Saimir Smaka, ku ky i fundit kërkoi 1 vit burg.

Kujtojmë se ngjarja në fjalë ndodhi në verë, ku sherri nisi pas ngatërresës së numrit të peshqve. Pas debateve, turistët kanë lënë ambientin e restorantit, ndërsa biznesmeni Kokëdhima është hedhur sipër furgonit me të cilën udhëtonte familja spanjolle e biznesmenit të njohur spanjoll Eugenio Galdon, themelues i kompanisë ‘ONO’.

Ndonëse furgoni ishte në ecje, Kokëdhima godiste me grushte xhamin e përparëm, ndërsa e theu atë.

Pamjet e rënda u filmuan nga turistët, ndërsa bënë xhiron e rrjeteve sociale, edhe përtej kufirit.

Lokali “Panorama” në Porto Palermo, i cili ishte në pronësi të Kokëdhimës u shkatërrua nga IKMT-ja menjëherë pas ngjarjes së rëndë me arsyetimin se objekti nuk ishte i legalizuar.