MENU
klinika

 "Organizoni rikthimin"

Haradinaj thirrje komunave që kanë strehuar qytetarë shqiptarë

08.12.2019 - 16:48

Pasi hapi dyert dhe zemrat për një strehë të sigurt për qytetarët shqiptarë të prekur nga tërmeti tashmë qeveria e Kosovës është mobilizuar për kthimin e tyre në Shqipëri.

Nisur nga fakti se qeveria shqiptare ka nisur sistemin e tyre në apartamente me qira, Haradinaj në një postim në facebook u ka bërë thirrje të gjithë komunave që kanë strehuar qytetarë shqiptarë të organizojnë transportin për rikthimin e të zhvendosurve.

Sakaq Haradinaj njofton se të hënën të gjitha ndihmat e grumbulluara nga qytetarët e Kosovës në Kazermën e FSK-së në Prizren, do të dërgohen nga ushtria kosovare në mënyrë institucionale, në depot e rezervave shtetërore të Shqipërisë.

Kryeministri në detyrë Haradinaj garanton se Kosova do të vazhdojë të jetë në gjendje gatishmërie, për çdo ndihmë të kërkuar, për popullin e Shqipërisë.

Postimi i plotë i Haradinaj në facebook:

Kosova ka hapur dyert dhe zemrat, për t’i strehuar dhe ndihmuar gjithë bashkëkombësit tanë, pas tërmetit me pasoja tragjike që preku Shqipërinë.

kolana e librave

Tani pas kësaj faze emergjente të përkrahjes dhe akomodimit, ne po hyjmë në një fazë tjetër, të rikthimit të të gjithë banorëve të Shqipërisë në vendlindjen e tyre.

Përkitazi me këtë proces, ne kemi vënë në dispozicion transport për rikthimin e të zhvendosurve, por sot kërkojmë që në këtë etapë të rikthimit vullnetarë të përfshihen edhe të gjitha Komunat, ku ka të strehuar, duke vënë në dispozicion mekanizmat e tyre, numër kontakti, Drejtorit e emergjencave dhe transportin.

Secili qytetarë, meriton një kthim të dinjitetshëm dhe Institucionet tona e kanë për obligim, ta garantojnë dhe të respektojnë këtë të drejtë.

Zyra e Kryeministrit, do të jetë në gjendje gatishmërie për çdo kërkesë eventuale të ndihmës, qoftë për Komunat tona, qoftë për autoritetet shqiptare.

Po nesër, të gjitha ndihmat e grumbulluara nga qytetarët tanë në Kazermën e FSK-së në Prizren, do të dërgohen nga Ushtria jonë, në mënyrë institucionale, në depot e rezervave shtetërore të Shqipërisë.

Kosova do të vazhdojë të jetë në gjendje gatishmërie, për çdo ndihmë të kërkuar, për popullin e Shqipërisë.

VAZHDO TË LEXOSH MË TEPËR PËR TEMËN