Naftëtarët do t’i zënë nesër derën Ministres së Energjetikës, Belinda Balluku për t’i kërkuar llogari për braktisjen që sipas tyre u ka bërë punonjësve të Rafinerisë së Ballshit.
Ata do të protestojnë para Ministrisë dhe Kompanisë që administron rafinerinë për 3 paga dhe 8 muaj sigurime të papaguara. Ndërsa për abuzimet sipas tyre ndër vite, kërkojnë hetim nga Struktura e Posaçme anti korrupsion dhe vëmendjen e prokurorit të Përgjithshëm.
Punonjësit e rafinerisë së naftës në Ballsh paralajmërojnë protestë para Ministrisë së Energjetikës në kërkim të zgjidhjes për pagat dhe siguracionet e prapambetura.
Të braktisur e zhgënjyer nga firma dhe institucionet e shtetit, thonë se tashmë do të kërkojnë llogari edhe ministres Balluku.
Duke kërkuar zgjidhje ligjore për këto problematika, ata kërkojnë hetim nga SPAKU dhe vëmendjen e Prokurorit të Ri të Përgjegjshëm për shqetësimet dhe abuzimet siç i cilësojnë njerëzit e naftës.
Punonjësit e Rafinerisë së Ballshit vendosën përshkallëzimin e protestave pas një takimi me prefektin e Fierit ku thonë se nuk morën zgjidhje për kërkesat.
VAZHDO TË LEXOSH MË TEPËR PËR TEMËN
Nafta shqiptare, ja sa përpunohet në vend
Uzina Ballsh/ 1-mijë punëtorë mbeten pa punë
