MENU
klinika

"Vrapo Babadimër"

Një maratonë për 700 familje kosovare!

15.12.2019 - 18:13

      Kjo minimaratonë e organizuar nga Jusuf Islami me OJQ “Projekti 5Cent” u mbajtë për të katërtën herë në sheshin “Zahir Pajaziti” në Prishtinë, ku pritet të kontribuohet për familjet në nevojë, sipas Kultplus.

Qëllimi kryesor i kësaj iniciative është në rend të parë ngritja e donacioneve për të ndihmuar familjet e varfra në Republikën e Kosovës me rastin e festave të fundvitit. Te gjitha mjetet e mbledhura gjatë këtij aktiviteti do të ndahen për familjet në nevojë. Në edicionin e parë kemi ndihmuar gjithsej 60 familje në Prishtinë, në edicionin e dytë kemi ndihmuar 350 familje ndërsa në edicionin e tretë janë ndihmuar 500 familje në 7 qytetet e Kosovës, ku qendrat sociale kanë bërë përzgjedhjen e familjeve. Këtë vit synojmë të ndihmojmë deri në 700 familje në gjithë Kosovën. Për mjetet e mbledhura dhe të shpërndara do të mbahet llogari transparente”, thuhet në një njoftim në Facebook-un e OJQ “Projekti 5Cent”.

Sipas njoftimit maratona e kaluar ishte shfaqur në mediat më të mëdha botërore, siç janë CNN, BBC, EuroNews si edhe shumë portale botërore dhe të gjitha mediet vendore.

kolana e librave

Pas një kohe të gjatë Kosova po promovohej në këto medie me lajme të mira. Dhe si shtet hymë në mesin e 60’te shteteve të botës me një aktivitet të tillë. Organizimi i maratonës është i tillë, ku synohet që të krijohen mjete nga shitja e kostumeve të babadimrave për qytetarët pjesëmarrës në maratonë, ndërsa pas maratonës me ato mjete blehen furnizime me ushqime dhe gjëra të nevojshme për familjet në nevojë”, – thekson njoftimi.

Ky organizim mbështetet nga Komuna e Prishtinës dhe shumë biznese të tjera.

VAZHDO TË LEXOSH MË TEPËR PËR TEMËN


Jeta e natës e qytetit

Fundjavave takohemi në Korçë!

Festivali i 75-të i Filmit

“Roma” rrëmben “Luanin e Artë”

Balla “thumbon” Metën: Kush u zotua...

“Kur Venecia flet, të gjithë duhet të heshtin”

Një hapësirë speciale për të rinjtë

“Tirana nesër, kartolinë e një Shqipërie europiane…”