Kreu i Kishës Katolike Papa Fançesku do të vizitojë Malin e Zi vitin e ardhshëm.
Papa Françesku në takimin e sotëm me kryeministrin e Malit të Zi Dushko Markoviç në Vatikan konfirmoi ardhjen e tij në Mal të Zi vitin e ardhshëm.
“Vizita e kreut të Kishës Katolike në vendin tonë ka rëndësi historike”, thuhet në kumtesën e qeverisë pas takimit të Markoviç me Papën.
Sipas kumtesës, Papa Françesku në takimin me Markoviç ka vlerësuar politikat që zhvillon Mali i Zi, për ekumenizmin, kulturën, ekologjinë dhe humanizimin në të gjitha sferat e marrëdhënieve shoqërore.
Kryeministri malazez Markoviç, përveç Papës, gjithashtu në Vatikan është takuar edhe me Sekretarin e Shtetit, Kardianlin Peter Parolin.
Sipas njoftimeve të mëparshme nga qeveria, Markoviç do të diskutojë me përfaqësuesit e Vatikanit rreth projektligjit për lirinë e fesë, i cili duhet të miratohet në Mal të Zi deri në fund të vitit.
VAZHDO TË LEXOSH MË TEPËR PËR TEMËN
“Nëse vërtet duam të dashurojmë, duhet të mësojmë si të falim”
“Do lus Papa Françeskun të mos e pranojë Kosovën”
“Nuk mund të besosh tek Zoti e të jesh mafioz”
