Katër partitë parlamentare kosovare,përfshirë dy partitë fituese të zgjedhjeve të 6 tetorit, VV dhe LDK kanë bërë kërkesë Shqipërisë të ketë një qasje tjetër ndaj Serbisë dhe të anulojë samitin e Durrësit mes tri shteteve Shqipërisë, Serbisë dhe Maqedonisë Veriore për të themeluar të ashtuquajtur “mini-shengenin” Ballkanik.
Dy partitë e tjera që i janë bashkëngjitur kësaj kërkese janë PDK dhe AAK.
Anëtarja e kryesisë së Lëvizjes Vetëvendosje, Albulena Haxhiu u shpreh për mediat kosovare, kundër takimeve të tilla. Po kështu edhe ish-shefi i grupit parlamentar të PDK-së, deputeti i zgjedhur, Memli Krasniqi ka kërkuar anulimin e samitit në Durrës
Ndërsa, nënkryetari i AAK-së, Ardian Gjini kërkon reagim nga të gjitha vendet mike të Kosovës për mohimin e masakrës së Reçakut, teksa thotë se deklaratat e tilla duhet të ndërpresin çfarëdo bashkëpunimi mes shteteve.
Tentimet për formimin e një “Shengeni” Ballkanik kanë filluar para rreth dy muajve, ku fillimisht tre liderët, Vuçiç-Rama-Zaev janë takuar në Novi Sad të Serbisë, pastaj në Ohër të Maqedonisë Veriore. Kurse është parashikuar që më 21 dhjetor të takohen në Durrës të Shqipërisë.
VAZHDO TË LEXOSH MË TEPËR PËR TEMËN
‘Mini shengeni Ballkanik’/ Ambasadori: Nuk jemi ftuar
“Kujdes me Mini-Shengenin”/ Pendarovski: Jam kundër!
