Qendra Sizmologjike Europiane-Mesdhetare konstaton se shkalla e pasgoditjeve të tërmeteve në Shqipëri, pas atij 6.4 të shkallës Rihter që goditi vendin mëngjesin e së martës së kaluar, ka ardhur duke u ulur.
EMSC nuk përjashton mundësinë që një pasgoditje e fortë të shënohet në vend javët apo muajt në vijim, megjithatë shton se aktiviteti do të rikthehet në nivelin normal
As one can see the aftershock rate following #albanianearthquake keeps decreasing. Although a strong aftershock always remain possible, over the next weeks/months, the activity will go back to background level. pic.twitter.com/KlMHj35P95
— EMSC (@LastQuake) December 4, 2019
“Siç mund ta shohim, vala e pasgoditjeve të tërmetit që goditi Shqipërinë po vjen duke u shuar. Edhe pse një pasgoditje e fortë është gjithmonë e mundshme përgjatë javëve dhe muajve që pasojnë, aktiviteti do të rikthehet në nivelin normal”, është postimi në Twitter i Qendrës Sizmologjike Europiane-Mesdhetare.