Kryeministri në detyrë i Kosovës, Ramush Haradinaj ka theksuar se urrejtja patologjike e Aleksandër Vuçiçit ndaj shqiptarëve, po dëshmohet edhe nga deklaratat e tij se “masakra e Reçakut e cila tronditi mbarë botën në vitin 1999, është e fabrikuar”.
“Ky qëndrim dëshmon qartë se Serbia edhe në formë institucionale e ruan paturpësisht mendësinë kriminale të trashëguar nga koha e Millosheviçit”, ka shkruar Haradinaj.
Postimi i Haradinajt në Facebook:
Urrejtja patologjike e Vuçiqit ndaj shqiptarëve, po dëshmohet edhe me deklarimin e tij të fundit, “se masakra e Reçakut e cila tronditi mbarë botën në vitin 1999 është e fabrikuar”. Ky qëndrim dëshmon qartë se Serbia edhe në formë institucionale e ruan paturpësisht mendësinë kriminale të trashëguar nga koha e Millosheviçit.
Republika e Kosovës është shoqëri shumetnike, e përbërë nga shqiptarët dhe komunitetet tjera dhe urrejtja ndaj secilës etni është vepër e dënueshme me ligj. Është për keqardhje se si Serbia, që konsiderohet si shtet favorit nga BE-ja, vazhdon ta kultivojë urrejtjen etnike ndaj shqiptarëve dhe mohon krimet gjenocidale të saja, duke kontaminuar kështu të ardhmen e tyre dhe duke zvogëluar shanset për paqe dhe pajtim në rajon.
VAZHDO TË LEXOSH MË TEPËR PËR TEMËN
‘Mogherini e ka mbytur dialogun Kosovë-Serbi’
‘Askush nuk ka të drejtë t’i shmanget drejtësisë’
‘E turpshme kërkesa e Brnabiçit për Ramën’
