Janë rikthyer zyrtarisht aktivitetet sportive për Shqipërinë. Ishte Vllaznia në basketboll për meshkuj që luajti sot ndaj bullgarëve të Academic Bultex, por ndeshja u hap me një banderolë domethënëse nga të dy ekipet.
Sa i përket ndeshjes, bullgarët e Akademic kanë rezultuar shumë të fortë për Vllazninë në ndeshjen e radhës të vlefshme për Ligën Ballkanike, atë të zhvilluar pasditen e sotme në Plovdiv të Bullgarisë.
Vendasit kanë fituar me rezultatin 91-74, duke regjistruar fitoren e radhës, ndërkohë që shkodranët pësojnë humbjen e tretë në katër ndeshjet e luajtura këtë edicion të Ligës Ballkanike.
Perioda e parë është mbyllur në shifrat 31-19, ndërkohë që dy ekipet kanë shkuar në pushim me rezultatin 45-35. Diferencat ka ardhur duke u thelluar dhe e treta mbyllet 70-50, ndërkohë që i gjithë takimi mbyllet me diferencë prej 17 pikësh në favor të bullgarëve.
VAZHDO TË LEXOSH MË TEPËR PËR TEMËN
Mëkat, Vllaznia humb në koshin e fundit
Vllaznia humb përsëri, Peja “kockë e fortë”
