MENU
klinika

Tërmeti/ 6000 lekë të reja

51 këshilltarët bashkiakë të Fierit dhurojnë shpërblimin mujor

02.12.2019 - 17:00

Është zhvilluar sot një takim jashtë radhe i Këshillit Bashkiak në Fier ku është diskutuar rreth mënyrës së solidarizimit me familjet e dëmtuara nga tërmeti.

Që në nisje të kësaj mbledhje është mbajtur një minutë heshtje për të gjitha viktimat që la pas tërmeti i 26 nëntorit.

Ndërkohë kryetari i këshillit të bashkisë Fier Vangjel Ndreka është shprehur se si këshill në emër të solidaritetit njerëzor dhe institucional është ndjerë e nevojshme që të dhurojnë diçka nga paga e tyre si këshilltarë.

Fondi i akorduar shkon në një vlerë prej më shumë se 6000 lekë të reja për të gjitha familjet që tashmë iu janë shembur ndërtesat nga tërmeti që preku vendin gjatë së martës.

Këshilli Bashkiak Fier ka 51 këshilltarë dhe shpërblimi mujor gjithsecilit është 119 mijë lekë të vjetra.