Tirana nuk gjen qetësi në prag të derbit, por sot ka marrë një vendim sa i takon ndeshjes me Partizanin. Emanuel Egbo do të drejtojë ekipin në derbi. Trajneri i portierëve te Tirana është vënë provizorisht trajner i parë i ekipit, deri në një zgjedhje parësore nga klubi.
Pas largimit të Julian Ahmatajt, klubi bardheblu ende nuk ka zgjedhur pasuesin e elbasanasit, edhe pse emrat janë të shumtë. Magani, Gega, Devolli, Starova, Ramadani, apo një rikthim i Memës, dhe ende nuk ka një vendim përfundimtar.
Nuk është çudi që Egbo të qëndrojë edhe deri në fund të dhjetorit si trajner i parë, për të menduar pastaj për një emër përfundimtar që do marrë “timonin” e anijes bardheblu.
Gjithsesi, mbetet për t’u parë si do shkojë situata te Tirana, por me shumë mundësi, në derbin e së premtes, do të jetë Egbo ai që do ketë “frenat” e ekipit.
VAZHDO TË LEXOSH MË TEPËR PËR TEMËN
Zyrtare, FSHF vendos për derbin e kryeqytetit
