Viti 2019 pa shumë lojtarë që i thanë lamtumirë futbollit të luajtur pas karrierave brilante me skuadrat dhe kombëtaret përkatëse.
Po flasim për ish-futbollistët yje që kanë bërë historinë, siç ishte Yaya Touré në Premier League, që për tetë vjet te Manchester City shkroi lavdinë e klubit.
Nuk mund ta harrojmë Petr Cech, i cili pas një karriere të tërë të kaluar në Chelsea, i mbylli vitet e tij të fundit tek Arsenal, përpara se të kthehet te Chelsea si menaxher.
Kujtime të mira la edhe Fernando Torres, sigurisht më pjellor ndër vite në fanellën e Liverpoolit, sesa ato në Londër në anën e Chelsea.
Për të mbetur te blutë e Londrës kujtojmë edhe dy të tjerët që luajtën me këtë fanellë, Arjen Robben dhe Samuel Eto luanin, pavarësisht se shkëlqimin e patën përkatësisht me Bayern Munchen dhe Inter. Të dy zgjodhën të varnin këpucët në gozhdë.
Po aq i bujshëm edhe lënia e futbollit aktiv nga Bastian Schweinsteiger, kampioni i botës me Gjermanisë dhe një nga legjendat e Bayernit.
Uruguajani Diego Forlan gjithashtu ishte një tërheqje që mërziti tifozët e tij. Për ta mbyllur me 2 lamtumirat spanjolle, Xavi Hernandez dhe David Villa, që shkëlqyen si te Barcelona, ashtu edhe te Spanja, me tituj të shumtë si rrallëkush tjetër.
VAZHDO TË LEXOSH MË TEPËR PËR TEMËN
Futbollisti më i aktivizuar në dekadën e fundit
