Flakët e zjarrit kanë përfshirë mesditën e sotme katin e pestë të një pallati pranë kishës në Pogradec. Nuk dihen ende shkaqet e rënies së zjarrit.
Forcat zjarrfikësve kanë mbërritur në vendngjarje dhe po punojnë për shuarjen e flakëve, ndërkohë që është bërë evakuimi i banorëve.
Bëhet e ditur se është lënduar një punonjës i shërbimit zjarrfikës, në tentativë për të shuar flakët, i cili është transportuar për në spital. Gjithashtu, në spital ka përfunduar dhe një banor, i cili ka pasur gjendje ankthi.
Nga flakët janë shkrumbuar plotësisht dy katet e fundit të pallatit. Bëhet me dije se flakët kanë përfshirë fillimisht njërin nga apartamentet e këtij pallati, por më pas janë përhapur me shpejtësi në dy katet e fundit.
Ka dyshime se ka qenë një bombol gazi ajo që ka shkaktuar flakët. Aktualisht zjarrfikësja ne vendin e ngjarjes po bëjnë të mundur vënien e flakëve nën kontroll.
VAZHDO TË LEXOSH MË TEPËR PËR TEMËN
