Lazio është skuadra më në formë në 5 kampionatet më të forta të Europës. Bardhekaltrit fituan sot 5-1 në shtëpi ndaj Sampdorias, duke regjistruar suksesin e 11-të radhazi në Serie A.
Serinë e golave e hapi Caicedo që në minutën e shtatë. Më pas është Immobile që shënon dy gola njëri pas tjetrit, të parin me penallti. Kaq për pjesën e parë.
Lazio nuk ndalet as në pjesën e dytë. Bastos con shifrat në 4-0, ndërsa në 65’ është sërish Immobile që shënon me penallti. Plot 23 gola për sulmuesin italian, më i miri në Europë. Ndjek Lewandowski me 19 gola.
Në 70’, Sampdoria shënon golin e nderit, por pak minuta më vonë mbetet me 10 lojtarë. Lazio ka vetëm 1 pikë më pak se Inter dhe 3 më pak se Juventus kryesues, me këta të fundit që ende nuk kanë luajtur për këtë javë.
VAZHDO TË LEXOSH MË TEPËR PËR TEMËN
Lazio kalon me lehtësi Genoan, Roma në krizë
