Në vend kemi rreth 61 bashki që përgjatë këtij viti do të shpenzojnë rreth 57.6 miliardë lekë apo rreth 470 milionë nëse flasim me euro. Qëllimi i këtyre milionave është përmirësimi i shërbimeve për qytetarët.
Afro 27 miliardë lekë janë shpenzime nga të ardhurat e veta, të cilat i mbledhin nga taksat dhe tarifat vendore, ndërsa rreth 26 miliardë lekë është granti për pushtetin vendor.
Po ashtu, 670 milionë lekë janë të ardhura nga transferimi i rentës, 2.9 miliardë lekë nga të ardhurat jo tatimore, 18.2 miliardë lekë është grant specifik nga buxheti i shtetit që që jepet nga qeveri për të kompensuar defiçencat midis të ardhurave dhe shpenzimeve, ndërsa 1 miliardë lekë është financimi i huaj vendor dhe të ardhura të tjera të mbaruara.
Këtë vit për bashkitë do të aplikohet një formulë e re e ndarjes së fondeve që jepen nga qeveria, duke marrë parasysh kritere si numri i popullsisë, dendësia e popullsisë, numri i nxënësve nëpër shkolla, etj.
Megjithëse fondet në dispozicion dhe transfertat e përvitshme nga buxheti i shtetit, sërish pushteti vendor çedon në ofrimin e shërbimeve ndaj qytetarëve, si dhe në transparencën për mënyrën se si shpenzohen paratë publike.
Ajo çfarë vihet re nga viti i kaluar është përmirësimi në mbledhjen e të ardhurave.
VAZHDO TË LEXOSH MË TEPËR PËR TEMËN
‘Themelet’ mbi të cilat u ngrit buxheti 2020
“Dyfishohen gjobat për moslëshim të kuponit tatimor”
