Carlo Ancelotti mposhtet për herë të parë që kur mori drejtimin e Evertonit. Natyrisht përballë City-t në transfertë e pati të vështirë, teksa të besuarit e Pep Guardiola-s fituan 2-1.
Protagonisti i ndeshjes ka qenë Gabriel Jesus, i cili ka zhbllokuar ndeshjen në minutën e 51-të dhe ka dyshuar për vendasit në të 58-ën. Goli i miqve është realizuar në të 71-n nga Richarlison.
Ka nisur në mënyrën e duhur viti i ri edhe për West Ham-in që është kthyer te fitorja në Premier League pas shkarkimit të trajnerit Pellegrinit.
Vendin e tij e ka marrë ish-trajneri i Manchester United, David Moyes, i cili ka udhëhequr skuadrën e tij të re drejt një fitoreje bindëse 4-0 në shtëpi kundër Bournemouth-it. Është mbyllur në barazim 1-1 ndeshja e luajtur mes Norwich dhe Crystal Palace.
VAZHDO TË LEXOSH MË TEPËR PËR TEMËN
Leicester e rinis me marsh të tretë, bie Tottenham
