Më në fund, Kastriot Dermaku është rikthyer titullar në fushë për Parmën, pavarësisht se bëhej fjalë për Kupën e Italisë, ku emilianët sfiduan Romën.
Parma u mposht me rezultatin 0-2 nga kryeqytetasit. Pas ndeshjes, Dermaku u shpreh se tashmë përqrndrimi duhet të kaloj në kampionat ndërsa thekson se, pavarësisht lakimit të emrit në merkato, ai kërkon të qëndrojë te Parma.
“Luajtëm kundër një skuadre të madhe, e cila e tregoi veten në pjesën e dytë. Tani vëmendja duhet të kaloj te kampionati. Nuk është e lehtë kur ndryshojnë shumë lojtarë, por i ka bërë mirë atyre që kanë pasur më pak minuta në këmbë.
Sfida kundër Juventus? Do jetë një ndeshje e vështirë, ata janë kampionët e Italisë. Do të zbresim në fushë për të bërë rezultat.
Kam luajtur dhjetë ndeshje mes Kupës dhe kampionatit dhe nuk e kisha menduar se do kisha kaq shumë hapësirë. Kështu që jam i lumtur. Merkato? Nuk kam folur me asnjë skuadër, sepse këtu ndihem mirë. Qëllimi im është të mos largohem nga Parma”, – u shpreh Dermaku.
VAZHDO TË LEXOSH MË TEPËR PËR TEMËN
“Falë ekipit kombëtar, titullar në Serie A”
Shqipëri-Kosovë-Shqipëri, Dermaku kuqezi
