Porti i ri i peshkimit në Durrës, më i madhi në Shqipëri, është ndërtuar në vitin 2015 pranë portit më të madh të vendit.
Ky port, administrohet nga Organizata e Menaxhimit të Peshkimit. Më parë, për disa dekada radhazi, anijet e peshkimit ankoroheshin në dy ura prej betoni, pranë kalatës 9 të portit të Durrësit.
Në portin e ri me një sipërfaqe mbi 13 ha aktualisht janë “strehuar” rreth 100 motopeshkatore, të cilat përbëjnë flotën e peshkimit detar industrial të Durrësit. Ndërtimi i portit të peshkimit u realizua me financimin e Bankës Islamike, prej 12 milion euro. Pas kësaj, motopeshkatoret e sektorit të Durrësit u sistemuan përfundimisht jashtë portit tregtar.
Flota shqiptare e peshkimit përfshin 584 anije (sipas të dhënave të vitit 2014) dhe është e përqendruar në katër porte: Durrës, Vlorë, Shëngjin dhe Sarandë. Prodhimi vjetor i peshkut të kapur arrin në rreth 3 mijë ton, ku peshkimi detar përbën rreth 70 % të totalit dhe pjesa tjetër vinte nga peshkimi në ujërat e brendshëm.
VAZHDO TË LEXOSH MË TEPËR PËR TEMËN
Çfarë po ndodh? Policia “furtunë” në Durrës, zbor shoferëve
Bypass-i i Fierit/ Hapet një korsi në fund të qershorit
Cigare kontrabandë në Portin e Durrësit, bllokohet autobusi
