Pas Ashley Yong, Inter ka prezantuar futbollistin e radhës në merkaton e dimrit. Victor Moses është praktikisht i Interit, pasi ka kaluar edhe me sukses vizitat mjekësore.
Zyrtarizimi u vonua pasi në mes ishte edhe Fenerbahce, skuadra që zotëronte kartonin e tij dhe federimin në Turqi për gjashtë muajt e parë të sezonit.
Nigeriani vjen nga Chelsea në huazim deri në fund të sezonit me të drejtë blerje për 12 milionë euro. 29-vjeçari ka folur fjalët e para si zikaltër, ku për Inter TV u shpreh:
“Është nder për mua të jem këtu dhe të jem lojtar i Interit. I falënderoj të gjithë për mirëseardhjen, mezi po pres që të filloj. Jam i lumtur që do të punoj përsëri me Conten.
Kam folur dhe më ka shpjeguar projektin e klubit. Dua të jem pjesë dhe jam i lumtur që jam këtu. Dua të jap maksimumin dhe të ndihmoj skuadrën. Do të bëjmë gjithçka për të arritur objektivat dhe t’I bëjmë krenarë tifozët.”
