MENU
klinika

17 të arrestuarit në Durrës

Korrupsion me ndërtimet/ Policë e zyrtarë, dalin para gjykatës

12.01.2020 - 14:34

Ditën e sotme pritet të jepet nga Gjykata e Durrësit masa e sigurisë për 17 të arrestuarit në kuadër të operacionit “Abuzuesit ku zyrtarët merrnin deri në 7 mijë euro”.

Të arrestuarit janë dërguar në gjykata nën masa të rrepta sigurie dhe në orët në vijim pritet të mësohet nëse të gjithë të arrestuarit do të lihen në burg apo do t’u jepet një masë më e lehtë.

Tre ditë më parë, Drejtoria Rajonale e Shërbimit për Çështjet e Brendshme dhe Ankesat (SHÇBA) Durrës, në bashkëpunim e nën drejtimin e Prokurorisë së Rrethit Gjyqësor Durrës, arrestoi një sërë zyrtarësh policorë, inspektorë vendor, përfaqësues të pushtetit lokal e ndërtues, të akuzuar për veprën penale “Shpërdorim detyre”, që është shtrirë përgjatë vitit 2019 në vende dhe kohë të ndryshme.

Arrestimi i tyre u bë në kuadër të një hetimi disa mujor, me metoda speciale, ku u dokumentua me prova ligjore veprimtaria e kundraligjshme e subjekteve të këtij procedimi, të cilët duke keqpërdorur atributet që u jepte detyra dhe funksioni, në bashkëpunim me njëri-tjetrin, por dhe me shtetas të tjerë, kanë konsumuar veprën penale të “Shpërdorimit të detyrës” dhe “Ndërtim të paligjshëm, në bashkëpunim”.

Subjektet e këtij procedimi penal, kryenin funksione publike në Policinë e Shtetit, nëpunës të Njësive Administrative, IKMT-ve dhe INUV-it në Durrës, Shijak dhe Manzë.

Emrat
1. Besnik Domi, Shef i Rendit në Shijak;
2. Sami Xhafa, Shefi i Stacionit të Policisë në Manzë;
3. Ermal Petova, specialist për Hetimin e Krimeve/OPGJ, në Manzë;
4. Nikollë Marku, specialist për Hetimin e Krimeve/OPGJ, në Manzë;
5. Agim Osmani, specialist/SPZ, në Komisariatin e Policisë Durrës;
6. Gani Dama, Polic patrulle (në kërkim) në Komisariatin e Policisë Durrës;
7. Haxhi Sherra, Ndihmës specialist i komisariatit Shijak;
8. Petrit Neziri, Ndihmës Specialist Policia, Manzë;
9. Ndriçim Shika, Ndihmës Specialist, Policia, Shijak;
10. Gjergji Gerco, Sekretar i Njësisë Administrative, Sukth;
11. Jul Kacadej, Specialist në IMT, Shijak;
12. Marjus Shahini, Kryeinspektor IMT, Shijak;
13. Adem Lika, Ndërtues;

kolana e librave

14. Dritan Koçi;
15. Paulin Meta;
16. Alben Dika;
17. Qerim Doka;
18. Gjon Zefi.

Nga hetimi i nisur muaj më parë për zyrtarët që lejonin ndërtime pa leje në rrethinat e Durrësit, u zbulua një skandal edhe më të madh, në të cilin është e përfshirë policia e qytetit bregdetar. 

Në dosjen e prokurorisë thuhet se policët e arrestuar, tri ditë më parë, jo vetëm lejuan të ndërtohej pa leje, por fshehën përdhunimin e një gruaje, si dhe vjedhjen e disa banesave.

Në materialin voluminoz të akuzës, që gazetarja Klodiana Lala ka siguruar renditen rastet kur zyrtarët e shtetit, në shpërdorim të detyrës, lejonin ndërtime pa leje në zona të ndryshme.

Rastet denoncoheshin në portalin komisariati digjital, por policët hiqeshin sikur bënin verifikimet në terren dhe nuk raportonin të dhëna. Ishin përgjimet e autorizuara nga prokurori Afrim Shehu, që nxorën në dritë fakte komprometuese.

Nga përgjimet rezultoi, se zyrtarët e policisë kishin dijeni për çfarë ndodhte në zonë, por informonin qytetarët që ndërtonin pa leje dhe i porosisnin të largonin mjetet e punës.

VAZHDO TË LEXOSH MË TEPËR PËR TEMËN


Çfarë thuhet në Aktin Normativ?

Rindërtimi/ Skualifikohen kompanitë me probleme