“Christian Eriksen është zyrtarisht një lojtar i ri i Interit. Futbollisti danez, i lindur në vitin 1992, i cili vjen nga Tottenham, ka nënshkruar një kontratë deri në 30 qershor 2024”.
Kjo është ajo që shkruan klubi zikaltër për blerjen më të fundit, një deklaratë që i jep fund javëve bisedimesh dhe pritjeje. Eriksen mbërriti nga Tottenham, zbarkoi të hënën në mëngjes në Milano dhe në të njëjtën ditë kaloi vizitat e zakonshme mjekësore, para se të bashkohej me Interin.
Conte shpreson që blerja e re të vihet në dispozicion të tij menjëherë, mbase duke filluar nga ndeshja e nesërme në Kupën e Italisë kundër Fiorentinës.
Nëse dokumentacioni arrin nga Londra në kohën e duhur, Eriksen mund të grumbullohet pa probleme. Ardhja e tij te zikaltrit do të thotë shumë për sfidën e nisur karshi Juventusit, në garën e titullit.
VAZHDO TË LEXOSH MË TEPËR PËR TEMËN
Tottenham përgatit rikthimin e madh
Yjet e futbollit që mund të ikin falas në verë
