Prej më shumë se një viti po përflitet që miliarderi Bernard Arnault, shefi ekzekutiv i kompanisë Louis Vuitton, do të blejë klubin e Milanit, por sot ai ka përgënjeshtruar gjithcka.
“Unë e admiroj Milanin, skuadër e madhe me lojtarë të jashtëzakonshëm dhe disa prej gazetarëve vazhdojnë të më pyesin se çfarë po ndodh.
Ndoshta kjo është hera e gjashtë apo e shtatë në 6 vite që përgënjeshtroj interesimin rreth blerjes së këtij klubi të madh futbolli. Kjo që po them tani, me shumë mundësi nuk do të ndalë spekulimet e gazetave” – u shpreh Arnault.
Miliarderi francez shihej si zgjidhje e problemeve të kuqezinjve, pasi mediat italiane spekuluan se ishte gati të shpenzonte shuma të mëdha për rimëkëmbjen e klubit dhe afrimin e yjeve.