MENU
klinika

Premier League, Java 23

Mposht United, Liverpool thellon rekordin

19.01.2020 - 19:23

Liverpool ka thyer një tjetër rival historik në në Premier League. Të Kuqtë mposhtën në shtëpi 2-0 Manchester United, skuadra e vetme që i kishte ndalur në fazën e parë.

Pavarësisht se duket një fitore e ngushtë, vendasit kishin dhjetëra raste për të shënuar, ku herë shtylla e herë fati, ka ndihmuar “Djajtë e Kuq” mos pësonin një “thes” me gola.

Goli i parë të takimit e shënoi Van Dijk në minutën e 14-të. Ndërsa i dyti nga Salah në sekondat e fundit. Me këtë sukses, Liverpool thellon rekordin në 22 ndeshje, ku ka 21 fitore dhe vetëm 1 barazim, plot 64 pikë, +16 nga vendi i dytë.

Të besuarit e Jurgen Klopp kanë edhe një ndeshje më pak. Titulli nuk duket problem, cështja është thyerja e disa rekordeve në Premier League, si asnjë skuadër tjetër. Titulli mungon prej 30 vitesh për Liverpool.

VAZHDO TË LEXOSH MË TEPËR PËR TEMËN