Partizani e nis vitin keq, duke u mposhtur në Korçë nga Skënderbeu me rezultatin 3-2. Një humbje që “djeg” shumë për të kuqtë sa i përket titullit kampion, një rinisje negative edhe për Sormanin.
Në fakt, të kuqtë shënuan të parët me penallti. Një gafë e mbrojtësit të Skënderbeut që prek topin me dorë. Në minutën e 7-të Telushi tregohet i saktë nga pika e bardhë e penalltisë.
Por më pas, në 39’, gjërat përkeqësohen për Partizanin, pasi Borja merr kartonin e dytë të verdhë dhe lë ekipin me 10 vetë. Në 42’, Bitri shënon në portën e tij.
Kur po mbyllej pjesa e parë, Skënderbeu shënon edhe golin e dytë me anë të Krasniqit. Një përmbysje spektakolare që erdhi falë grintës së ekipit vendas.
Pjesa e dytë ishte shumë e luftuar, me raste në të dyja portat. Partizani humbi një penallti me Telushin në 73′ dhe nga kjo merr zemër Skënderbeu.
Kur pritej barazimi i Partizanit, vjen goli i nokautit. Bregu shënon golin e tretë në 83’ dhe Skënderbeu mbron fitoren në fund, pavarësisht autogolit të dytë të Ditës në limit.
Ndërsa Laçi ka marrë tri pikë me shumë vlerë në Durrës ndaj Teutës. Turkaj realizoi golin e vetëm të takimit në pjesën e dytë. Humbja e parë e trajnerit Martini.
VAZHDO TË LEXOSH MË TEPËR PËR TEMËN
