MENU
klinika

Përfitojnë 15 mijë banorë

Punimet në rrugën që lidh Cërrikun me Belshin

12.01.2020 - 16:44

Kryetari i Grupit Parlamentar të Partisë Socialiste, Taulant Balla së bashku me Kryetarin e Bashkisë së Cerrikut, Andis Salla dhe deputetin Luan Duzha inspektuan ecurinë e punimeve që po kryhet në aksin rrugor Grekan-Shelgu-Gjyralë, i cili lidh Cërrikun dhe Belshin.

Në fjalën e tij Balla tha se ky investim u shërben 15 mijë banorëve.

“Ky është një investim shumë i rëndësishëm, jo vetëm për shkak të lidhjes që krijon mes bashkive Belsh dhe Cerrik, por është një investim që u vjen në ndihmë rreth 15 mijë banorëve.

Ky investim ishte i domosdoshëm në këtë zonë me bujqësi të zhvilluar në mënyrë që aksesi i prodhimeve në treg të bëhet në kohë sa më të shpejtë.

Janë marrë të gjitha masat që investimi të mos prekë kanalet kulluese, për të mos penguar apo krijuar probleme në këtë drejtim. Edhe në rastet kur traseja e rrugës ka prekur kanalet, kompania ka marrë masa për hapjen dhe riparimin e tyre.

Po ashtu edhe bashkia po investon në kanale kulluese dhe vaditëse për të bërë të mundur zhvillimin e mëtejshëm të bujqësisë në këtë zonë. Dy bashkitë Cerrik, Belsh me këtë projekt përmbyllin një prej fazave më të rëndësishme të ndërtimit të infrastrukturës rrugore.

Jam krenar që këto dy bashki, në shkallë vendi, kanë një infrastrukturë shumë të zhvilluar të lidhjes në rrugë në shumë drejtime. Gjatë këtij viti do të investohet në ujësjellësin e Cerrikut dhe Belshit si dhe në përmirësimin e sistemit të energjisë elektrike”– deklaroi Balla.

Ndërsa kryetari i Bashkisë Cërrik, Andis Salla në fjalën e tij falenderoi qeverinë për këtë investim që u vjen në ndihmë një numri të konsiderueshëm banorësh:

“Në njësinë Administrative Gostimë janë rreth 15 mijë banorë. Fshatrat e kësaj njësie janë urë lidhëse me bashkinë Belsh. Është një investim i FZHR me vlerë 103 milionë lekë”– tha Salla.

Dumreja është një nga zonat e Shqipërisë me infrastrukturën më të mirë rrugore dhe kjo për shkak të bujqësisë së zhvilluar të zonës dhe banorëve të cilët nuk janë larguar, duke investuar në vendin e tyre.

VAZHDO TË LEXOSH MË TEPËR PËR TEMËN


Prezantohet projekti

“Ringjallja” e sektorit detar

"S'merr pjesën që i takon nga..."

“Kukësi po zbrazet nga emigracioni”