05.01.2020 - 13:13
Sulmuesi i njohur shqiptar Sebino Plaku ka ndryshuar përsëri skuadër. Ai është zyrtarisht sulmuesi më i ri i skuadrës së Gjilanit.
Sulmuesi që ka provuar skuadra të ndryshme në Shqipëri dhe jo vetëm, ka arritur akordin me klubin e Gjilanit, aty ku trajner është Gentian Mezani dhe është prezantuar sot si futbollisti më i ri i “skifterave”.
Sulmuesi që së fundmi në Superiore ka luajtur me fanellën e Kamzës, bashkohet me skuadrën që këtë sezon synon të shpallet kampion.
Gjatë merkatos së verës, te Gjilani u afrua një numër i konsiderueshëm futbollistësh nga Kategoria Superiore dhe Plaku është një tjetër emër që i shtohet tashmë.
